31 DOST mərkəzi yaradılacaq - 2025-ci ilə qədər
(10-04-2019, 11:02)

31 DOST mərkəzi yaradılacaq - 2025-ci ilə qədərPrezident İlham Əliyevin 9 avqust 2018-ci il tarixli Fərmanına əsasən Əmək və Əhalinin Sosial Müdafiəsi Nazirliyinin (ƏƏSMN) tabeliyində DOST (Dayanıqlı və Operativ Sosial Təminat) Agentliyi və “DOST” mərkəzlərinin yaradılması işləri davam edir.

DOST layihəsi Azərbaycanın Birinci vitse-prezidenti, Heydər Əliyev Fondunun prezidenti Mehriban xanım Əliyevanın təşəbbüsünün nəticəsi olmaqla, əmək, məşğulluq, sosial müdafiə və təminat sahələrində xidmətlərin “bir pəncərə”dən operativlik, şəffaflıq, nəzakətlilik prinsipləri əsasında təqdim edilməsinə imkan verəcək.

ƏƏSMN-dən verilən məlumata görə, bunu DOST Agentliyinin Təhlil və statistika departamentinin direktor müavini Şahin Zülfüqarov Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının təşkilatçılığı ilə Ağstafa rayonunda keçirilən “Regionların inkişafında sahibkarlığın rolu” mövzusunda III regional forumdakı çıxışında bildirib.

Forumda ayrı-ayrı rayonların İcra Hakimiyyətləri başçıları, Vergilər Nazirliyi, Dövlət Gömrük Komitəsi, Kiçik və Orta Biznesin İnkişafı Agentliyi, Qida Təhlükəsizliyi Agentliyi, Dövlət Reklam Agentliyi və İqtisadi İslahatların Təhlili və Kommunikasiya Mərkəzinin nümayəndləri, bölgənin sahibkarları iştirak ediblər.

Ş.Zülfüqarov DOST konsepsiyası, missiyası, əhaliyə göstəriləcək xidmətlər, regionlarda açılacaq DOST mərkəzləri və onların kateqoriyaları barədə məlumat verib. Qeyd edilib ki, ilk “DOST” mərkəzinin yaradılması işləri başa çatır və yaxın vaxtlarda Bakı şəhəri, Yasamal rayonunda açılışı olacaq. 2019-25-ci illərdə Bakı və regionlar üzrə 31 belə mərkəz yaradılacaq.


Ana səhifəyə qayıt
    Oxunub: 1305

Axtariş

Xəbər Lenti

 
 
 
 
 
 
 
 
 
 
 
 
 
 
 
 
 
 
 
 
Günün xəbərləri

Reklam

Hava Haqqında
Sayğac