Notariat sənədlərinin dövlət notariat arxivinə təhvil verilməməsinə görə cəza müəyyənləşib –Dəyişiklik
(3-07-2019, 18:59)

Notariat sənədlərinin dövlət notariat arxivinə təhvil verilməməsinə görə cəza müəyyənləşib –DəyişiklikAzərbaycanda xüsusi notarius işləmiş şəxs tərəfindən notariat hərəkətləri barədə sənədlərin dövlət notariat arxivinə təhvil verilməməsinə görə cəza müəyyən edilib.

Bununla bağlı İnzibati Xətalar Məcəlləsinə dəyişiklik olunur.

Dəyişikliklə məcəlləyə 391-1 (Xüsusi notarius işləmiş şəxs tərəfindən notariat hərəkətləri barədə sənədlərin dövlət notariat arxivinə təhvil verilməməsi) maddəsi əlavə edilir.

Yeni maddəyə əsasən, fəaliyyətinə xitam verilən xüsusi notarius tərəfindən aparılan notariat hərəkətləri barədə sənədlərin 1 ay müddətində dövlət notariat arxivinə təhvil verilməməsinə görə 300 manatdan 500 manatadək məbləğdə cərimə nəzərdə tutulur.

Dəyişiklik layihəsi parlamentin növbədənkənar sessiyasının iyulun 9-da keçiriləcək plenar iclasında müzakirəyə çıxarılacaq.


Ana səhifəyə qayıt
    Oxunub: 2697

Axtariş

Xəbər Lenti

 
 
 
 
 
 
 
 
 
 
 
 
 
 
 
 
 
 
 
 
Günün xəbərləri

Reklam

Hava Haqqında
Sayğac