Bu qaydaları pozanlar cərimələnəcək
(5-03-2019, 16:20)

Bu qaydaları pozanlar cərimələnəcəkAzərbaycanda dövlət reyestrinin aparılması qaydalarını pozanlar cərimələnəcəklər.

Bununla bağlı İnzibati Xətalar Məcəlləsinə əlavələr edilib.

Həmin əlavələrə əsasən, daşınar əmlakın yüklülüyü haqqında qanunvericiliyin pozulmasına görə cərimələr tətbiq ediləcək.

Əlavələrdə qeyd edilir ki, daşınar əmlakın yüklülüyünün dövlət reyestrinə "Daşınar əmlakın yüklülüyü haqqında" qanunda nəzərdə tutulmuş qaydada məlumatların təqdim edilməməsinə görə, habelə reyestrə bilərəkdən yanlış və natamam məlumatların təqdim edilməsinə görə fiziki şəxslər 150 manat, vəzifəli şəxslər 700 manat, hüquqi şəxslər 2500 manat məbləğində cərimə ediləcəklər.

Daşınar əmlakın yüklülüyünün dövlət reyestrini aparan qurumun vəzifəli şəxsləri tərəfindən məlumatların saxlanılması və reyestin aparılması qaydalarının pozulmasına görə vəzifəli şəxslər 2000 manat məbləğində cərimə edilirlər.

Dəyişikliklər Milli Məclisin bu gün keçirilən plenar iclasında səsverməyə qoyularaq ikinci oxunuşda qəbul edilib.


Ana səhifəyə qayıt
    Oxunub: 870

Axtariş

Xəbər Lenti

 
 
 
 
 
 
 
 
 
 
 
 
 
 
 
 
14-mart-2019
 
 
 
 
Reklam

Hava Haqqında
Sayğac