“QARABAĞ ONLAR ÜÇÜN AĞIR YÜKDÜR…” –Koçaryan yenə Paşinyanı ittiham etdi
(25-06-2019, 18:47)

“QARABAĞ ONLAR ÜÇÜN AĞIR YÜKDÜR…” –Koçaryan yenə Paşinyanı ittiham etdiErmənistanın sabiq prezidenti Robert Koçaryan Paşinyan hökumətini sərt tənqid edib.

Sabiq prezident indiki hakimiyyəti Qarabağla bağlı təhlükəli siyasət aparmaqda günahlandırıb.

Koçaryan deyib ki, Paşinyan qondarma DQR-in işlərinə çox qarışmaqla danışıqlar prosesində Ermənistanın mövqeyini zəiflədir və qondarma rejimin statusunu aşağı salır: “Mən Ermənistan prezidenti olandan sonra heç vaxt Qarabağın işlərinə qarışmamışam, bunu Serj Sarkisyan da etmirdi…”

Sabiq prezidentin dediyinə görə, Paşinyanın qondarma rejimlə bağlı bəyanatları danışıqlar prosesi iştirakçılarında belə qənaət yaradır ki, İrəvan Qarabağla bağlı bütün məsələləri təkbaşına həll edə bilər. Və belədə artıq Paşinyan xarici ölkə liderlərinə deyə bilməyəcək ki, qondarma rejimin razılığı olmadan, təkbaşına qərar verə bilməz.

Koçaryanda belə bir təəssürat yaranıb ki, Qarabağ indiki hakimiyyət üçün dəyər deyil: “İndiki hakimiyyət üçün Qarabağ ağır yükdür, dəyər yox. 90-cı illərdə Levon Ter-Petrosyanın idarəçiliyi dövründə də belə olub.Şüuraltı olaraq, hakimiyyət düşünür ki, bu ağır yükdən necə canını qurtarsın…”

Eks-prezident deyib ki, onun həbsi də Qarabağa dair mövqeyilə əlaqədardır: “Mənim keçmişim o qüvvələri narahat edir ki, onlar Qarabağ münaqişəsinin ermənilərin maraqlarına uyğun şəkildə həllinin baş tutmamasına can atırlar…”

Xatırladaq ki, 2008-ci il hadisələrinə görə həbs edilən Koçaryan qondarma rejimin keçmiş və indiki başçılarının zaminliyi əsasında azadlığa buraxılıb. Lakin onunla bağlı məhkəmə istintaqı davam edir.

“AzPolitika”


Ana səhifəyə qayıt
    Oxunub: 1218

Axtariş

Xəbər Lenti

 
 
 
 
 
 
 
 
 
 
 
 
 
 
 
 
 
 
 
 
Günün xəbərləri

Reklam

Hava Haqqında
Sayğac